As augas de Portosín acollerán as últimas probas do Trofeo Ferradura

Este sábado ás 13.00 horas disputaranse as dúas últimas probas do TROFEO FERRADURA que se está disputando en augas de Portosín durante os meses de setembro e outubro.

Xa son dúas as probas disputadas nunhas condicións de vento moi difíciles e quedan dúas por disputar neste último día, que de ser así se poderá descartar o peor dos resultados das catro probas disputadas. 

A clasificación xeral, non pode estar en grao sumo apertado con catro embarcacións nun só punto de diferenza, polo que todo pode pasar. O MEIGAS FORA de Jose Codesido xunto ao SARA  de Rafael Branco defenden a primeira posición e o ORAL GROUP de Pedro Pazos e a LA RABUDA UNO  de Fernando González atacarán a por o titulo por atoparse a só un punto de diferenza.

Doutra banda SIRADELLA de Cesar Alvarez, KANALA de Ignacio Ecenarro e DRACCO  de Pablo Oliver tentarán aproveitarse da excesiva presión dos seus rivais e dar a sorpresa.

Por ser o último día, realizarase a entrega de trofeos ao termo das probas sobre as 18.30 horas. Premiarase ao gañador do TROFEO  cunha cea para dúas persoas nun dos locais FERRADURA (patrocinador do evento), e trofeo ao Primeiro, segundo e terceiro. Ademais como novidade sortearanse dúas vales por cea nos locais FERRADURA entre todas as embarcacións participantes e asistentes ao acto.