Arrinca en Oleiros a liga municipal de fútbol sala

O Concello de Oleiros pon en marcha unha tempada máis a liga municipal de fútbol sala. Entre o 27 e 30 de outubro estará aberto o prazo de inscrición para participar nesta competición local. Esta actividade lúdica está dirixida a veciños e veciñas de Oleiros maiores de 18 anos.

Para participar, deberán configurar equipos dun máximo de 15 e un mínimo de 8 xogadores. O número límite de equipos será de 18, polo que se na fase de preinscrición se supera esta cifra, realizaremos un sorteo público o venres día 31 ás 14.00 horas no auditorio da Fábrica. A liga está previsto que comece o luns 10 de novembro. Para máis información poden contactar co persoal do Servizo Municipal de Deportes, situado na Fábrica.