Álvaro Fernández Fiuza visita as instalacións de AJE Pontevedra para agradecer o seu apoio

Visita de Álvaro Fernández

O martes 18 de febreiro tivo lugar un acto de apoio nas oficinas de AJE Pontevedra ao deportista pontevedrés Álvaro Fernández Fiuza, piragüista que conta con tres ouros en campionatos do mundo como éxitos máis representativos da súa carreira deportiva. A Asociación apoioulle na súa campaña de crowdfunding “tres obxectivos, un soño” coa que puido afrontar tres obxectivos deportivos esta tempada: o Descenso Internacional do Sella, o Campionato de Europa de surfski, e o Campionato do Mundo de maratón. Para iso, AJE Pontevedra lanzou a campaña “Obxectivo Fiuza” entre os seus asociados na que a cambio da achega dos socios o piragüista puxo o logo de cada colaborador na súa piragua.