A Festa do Pulpo do Carballiño chega aos campos de fútbol

O concello do Carballiño, e dentro do convenio asinado co CD Arenteiro, publicitará a Festa do Pulpo en todos os campos do grupo sur da Preferente Autonómica. En concreto este pasado fin de semana os xogadores do Arenteiro xa luciron por primeira vez esa publicidade.

Trátase do logotipo oficial da Festa, o polbo Octavio, coa lema Festa do Pulpo, impreso nos pantalóns de todos os xogadores do primeiro equipo, nunha cor amarela que resalta esta publicidade sobre o verde do equipamento.

Desta forma o concello pretende difundir esta festa en todos os ámbitos, considerando que o deportivo é dos foros onde máis impacto ten a publicidade e a máis público pódese chegar ao ser eventos de grandes concentracións.