A Casa da Cultura acolle a presentación do libro-guía “Os Bolechas van a Lousame”
A Casa da Cultura de Lousame acollerá mañá xoves 23 de outubro, ás 19:00 horas, a presentación do libro-guía “Os Bolechas van a Lousame”. Un acto que contará coa presenza do autor do libro, Pepe Carreiro, quen estará acompañado pola alcaldesa de Lousame, Teresa Villaverde, e por un representante da editorial Bolanda.
O acto é de asistencia libre e de balde, aínda que está especialmente pensado para nenos e nenas de menos de 10 anos. Ademais, todos os asistentes levarán como agasallo un exemplar do libro “Os Bolechas van a Lousame”, do que se editaron un total de 1.000 exemplares. Esta presentación está organizada pola Concellería de Cultura do Concello de Lousame, en colaboración coa Consellería de Cultura, Educación e Ordenación Universitaria.