A Biblioteca provincial da Coruña convértese nun inferno para celebrar o Samaín

A Biblioteca provincial organiza diversas actividades para o día de mañá con motivo da celebración do Samaín. Ademais de decorar as diversas salas do centro converténdoo nun auténtico inferno, vaise celebrar un obradoiro para os máis pequenos no vestíbulo. O taller comezará ás 18.00 horas e a entrada é libre para todo o que queira participar.

Ademais, o persoal elaborou guías de lectura terroríficas para todas as idades que se poden encontrar tanto no blog da biblioteca como no recuncho temático, esta vez dedicado aos mestres do terror.

Así, os vampiros, lobishomes, bruxas e zombis serán os protagonistas do día de mañá no centro provincial. Mesmo as crianzas disporán da súa propia guía de lectura baixo o título Quen dixo medo??