Xuntanza do foro de directores de Hotel de Santiago

Mañá, martes 30 de setembro, ás 10 da mañá, o Foro de Directores de Hotel de Santiago mantén unha xuntanza no hotel Tryp Santiago para avanzar na redacción dun documento con propostas concretas que poidan contribuir a reorientar a política turística do Concello, considerando as fortezas e debilidades de Santiago de Compostela como destino turístico e o seu enorme potencial internacionalizador.

Esta xuntanza de traballo enmárcase dentro do compromiso adquirido polos empresarios e profesionais dos hoteis con Agustín Hernández durante a última reunión do Foro, celebrada no Hostal dos Reis Católicos o pasado día 16 de setembro, para elaborar un documento con propostas concretas que axuden a aproveitar mellor o potencial turístico de Compostela, cun modelo de city marketing e turístico sustentable e intelixente, analizando previamente as debilidades, fortalezas, amenazas e oportunidades do destino.