Enviar a un amigo
Opinar
Imprimir“XIX Paseo Raiano de Vilarelho da Raia – Ruta dos Pobos Promiscuos” na Eurocidade
O Centro Social, Cultural e Desportivo de Vilarelho da Raia, en colaboración coa Eurocidade Chaves-Verín AECT e diversas entidades do Municipio de Chaves e da Comarca de Verín-Monterrei, organiza o 05 de outubro o tradicional Paseo raiano, este ano dedicado aos antigos pobos promiscuos (Cambedo, Lamadarcos e Soutelinho da Raia), no ámbito das conmemoracións dos 150 anos do Tratado Internacional de Límites, celebrado o 28 de setembro de 1864 entre Portugal e España, que marcaron as comunidades raianas dos concellos de Chaves, Verín e Oímbra.
Co obxectivo de abarcar todos os pobos afectados polos episodios do Tratado de Límites de 1864, o paseo para afeccionados e profesionais estará articulado en dúas rutas diferentes:
– Soutelinho da Raia, Cambedo da Raia, Vilarelho da Raia (14 quilómetros).
– Soutelinho da Raia, Cambedo da Raia, Vilarelho da Raia, Feces de Abaixo, Lamadarcos (22 quilómetros).
Terá lugar o domingo 05 de outubro, con inicio da ruta na escola primaria de Soutelinho da Raia, ás 09.30 horas (horario español). Os/As interesados en participar contarán cun servizo de autobús, incluído na inscrición, con saída ás 09.00 horas no Centro Cultural de Chaves e no Centro Cultural de Vilarelho da Raia.
O prezo da inscrición é de oito euros, que inclúe transporte, reforzo alimentario no lugar do “Oso”, xantar convivencia no Centro C. de Vilarelho da Raia. As inscricións poderán realizarse ata o 03 de outubro nos seguintes lugares: Centro social e cultural de Vilarelho da Raia (00-351-276 916 400 | 936 529 175 | centrovilarelho@sapo.pt), Centro Cultural de Chaves (00-351-276 333 713 | ded.cmc@gmail.com), Multisport Verín (600 410 018 | buzon@multisport.es), Concello de Oímbra (988 426 160 | marisa.oimbra@eidolocal.es) e AECT Eurocidade Chaves-Verín (Sede en Feces de Abaixo: 652 951 012| 00-351-918 278 863 | info@eurocidadechavesverin.eu . Delegación de Chaves -edificio Polis- no 00-351- 276 340 500 ou Delegación de Verín -Concello de Verín no 988 410 000).
Esta actividade está organizada polo Centro Social Cultural e Desportivo de Vilarelho da Raia, Associação Flaviense de Caminheiros e Sendeiristas de Monterrei; e conta coa colaboración de Eurocidade Chaves-Verín AECT, Município de Chaves, Concello de Oímbra, União das Freguesias de Calvão e Soutelinho da Raia, Freguesia de Lama de Arcos, Cruz Vermella, Fórum Galaico Transmontano, Asociación de Sendeirismo Ruta das Augas, Multisport Verín, Associação Recreativa, Cultural e Desportiva Rota dos Contrabandistas de Lamadarcos.
