Vilagarcía adxudica a segunda fase de dotación de caucho e novos xogos para o parque infantil da Xunqueira

A dotación de firme de caucho e renovación dos xogos das áreas infantís do Parque da Xunqueira completarase de xeito paralelo ás obras de remodelación integral do Parque que xa se están acometendo. A deputación vén de adxudicar a segunda fase da mellora do parque infantil á empresa HPC Ibérica SA cun investimento de 54.064,45 euros a financiar a través do Plan de Obras e Servizos Provincial correspondente ao exercicio 2013.

A actuación afectará á zona de xogos dos máis cativos e será similar á realizada hai uns meses na dos nenos de maior idade. Ademais da instalación do firme sintético, aproveitarase a actuación para renovar as instalacións, xogos infantís e ban báns. O prazo de execución é de tres meses.

Entre as melloras ofertadas pola firma adxudicataria atópanse a reposición e posta a punto del xogos actuais, un servizo de mantemento gratuíto durante 4 anos, o incremento da calidade dos xogos previstos inicialmente no proxecto e o compromiso de dispoñibilidade en stocks para reposición de elementos.