Varias rúas estarán pechadas ao tráfico pola celebración da I Carreira Popular de Ternera Gallega

A Concellería de Deportes comunica que o próximo sábado 13 de setembro, con motivo da celebración da I Carreira Popular de Ternera Gallega, pecharanse ao tráfico das 18:45 ás 19:45 horas as seguintes rúas: fondo da Praza Maior, Rúa Bispo Aguirre, a marxe esquerda da Avenida de Ramón Ferreiro, Rúa Marina Española, Rúa Galicia e Rúa Salvador de Madariaga.

Así mesmo, neste horario a proba deportiva discorrerá polas seguintes zonas peonís: Praza Maior, Praza de Santa María, Rúa Clérigos, Porta de Santiago, adarve da Muralla, Praza de Pío XII, Rúa Bo Xesús e Praza de Santa María.

Das 17:00 ás 21:00 horas o espazo público do fondo da Praza Maior, onde se situará a saída e a meta desta competición, ocuparase pola organización para realizar a degustación da carne de Ternerra Gallega.