Santiago acollerá a “Taiwan Excellence 2014” ao que asistirán deportistas de élite

O vindeiro domingo 14 de Setembro, na Praza do Obradoiro de Santiago de Compostela e coincidindo coa última etapa da VOLTA 2014, desenvolverase a terceira edición en España de TAIWAN EXCELLENCE. A inauguración estará presidida polo Delegado do Goberno en Galicia, Samuel Juárez; o Embaixador de Taiwan, Javier Ching Shan Hou; o Director Económico de Taiwan en España, Timothy Tseng, e o Alcalde de Santiago de Compostela, Agustín Hernández Fernández de Rojas, xunto con outras autoridades autonómicas e locais.

Durante ao acto inaugural farase entrega dos galardóns á Excelencia ao deporte, sendo nesta edición os premiados: David Cal, máximo medallista olímpico español; Óscar Pereiro, gañador do Tour de Francia 2006, e Constantino Fernández Pico, actual presidente do R.C. Deportivo da Coruña.

Ao evento TAIWAN EXCELLENCE 2014 sumáronse 26 prestixiosas marcas taiwanesas que mostrarán en Santiago de Compostela os máis destacados produtos en materia de innovación e valor engadido no campo do deporte, a tecnoloxía, e a saúde.

TAIWAN EXCELLENCE 2014 é un evento gratuíto e aberto a todo público, que se desenvolverá este domingo en horario de 10 da mañá a 8 da tarde e no que se darán a coñecer os produtos avalados por Taiwan polos seus altos estándares de calidade.

Achega do Consello para o Desenvolvemento do Comercio Exterior de Taiwan: TAITRA

O Consello para o Desenvolvemento do Comercio Exterior de Taiwan (TAITRA) foi fundado en 1970 para promover o comercio exterior de Taiwan e a súa competitividade nos mercados mundiais. Nos últimos 40 anos, TAITRA desempeñou un papel crave no desenvolvemento da economía taiwanesa. TAITRA está patrocinada conxuntamente polo goberno de Taiwan e as asociacións comerciais e está considerada como a porta empresarial de ingreso en Taiwan para a comunidade empresarial internacional.

Os premios Taiwan Excellence

O premio Excelencia de Taiwan, nome recoñecido na innovación como valor engadido, é o máis alto galardón outorgado aos produtos que representan a innovación con gran valor (Innovalue). A selección de produtos Excelencia de Taiwan iniciouse en 1993, sendo os gañadores desta prestixiosa distinción os produtos taiwaneses que destaquen non só por ser os máis revolucionarios, de máis alta calidade e de maior valor engadido, senón os que tamén personifiquen o xenio único de Taiwan no uso da innovación para crear valor engadido no deseño e a fabricación de produtos de vangarda.