Ribadumia solicita unha axuda ao abeiro da convocatoria de medidas a concellos incluídos na Red Natura

O Concello de Ribadumia aspira a recibir unha das axudas que a Consellería de Medio Ambiente, Territorio e Infraestruturas outorga a concellos da Rede Natura 2000 para as anualidades 2014 e 2015. O concello presentou un proxecto que pretende mellorar a paisaxe agraria no encontro dos ríos Umia e Armenteira na parroquia de Sisán.

Ribadumia se atopa dentro dos concellos incluídos na Rede Natura 2000, e concretamente na zona intermareal Umia-O Grove. O proxecto proposto conta cun orzamento de aproximadamente 25.000 euros e destinaríase a rexenerar a zona afectada, mellorar as marxes do Umia e protexer a riqueza medioambiental do lugar.

O obxectivo da convocatoria desta liña de axudas é executar accións que permitan a mellora do paisaxe, o mantemento das condicións ambientais ou recuperar as especias historicamente relacionadas coa actividade agraria en zonas da Rede Natura 2000. O proxecto presentado polo Concello de Ribadumia inclúese nas accións dirixidas á mellora da paisaxe agraria e o desenvolvemento de usos recreativos.