Os equipos laranxas afinando a súa posta a punto para a competición ligueira

A pretemporada continúa avanzando cos equipos laranxas afinando a súa posta a punto para a competición ligueira de Primeira División que comeza, en ambos casos, o 13 de setembro. Tras un fin de semana de boas sensacións, os equipos senior do CD Burela FS Pescados Rubén disputarán en Vista Alegre os seus encontros de presentación, o mércores día 3 de setembro. Abre a xornada o conxunto feminino, a partir das 18.00 horas, ante o Viaxes Amarelle. A continuación, 20.30 horas, a escuadra masculina enfrontarase ao Santiago Futsal. 

Durante o fin de semana, o conxunto dirixido por Juanlu Alonso afrontará un novo reto ante o Magna Navarra. O duelo disputarase en Cangas do Narcea (Asturias), o sábado 6 de setembro a partir das 18.30 horas. Pola súa banda, as pupilas de Quico Otero reciben en Vista Alegre ao Valdetires FSF nun partido correspondente á Copa Galicia. Este choque xógase o domingo día 7 de setembro ás 18.00 horas. 

Resultados fin de semana

Primeira División LNFS
Amistosos: II Desafío Star Center. 29 e 30 de agosto
Palma Futsal (4) – CD Burela FS Pescados Rubén (2) 
Uruguay Tenerife (1) – CD Burela FS Pescados Rubén (4) 

Primeira División RFEF
Competición oficial: Copa Galicia. 30 de agosto 
A Fervenza FSF (0) – CD Burela FS Pescados Rubén (8)