O técnico do Rio Natura Monbus Obradoiro participa na reunión arbitral da liga Endesa

O técnico do Rio Natura Monbus Obradoiro, Moncho Fernández, participou na reunión arbitral da liga Endesa con adestradores e directores deportivos.

O Departamento Arbitral da ACB reuniuse en Barcelona con varios primeiros adestradores -dezaseis- e directores deportivos -catorce- da competición.

Entre os técnicos estivo en adestrador do Rio Natura Monbus Obradoiro, Moncho Fernández, que quixo coñecer de primeira man durante catro horas as novas regras, as aplicacións do “Instant Replay” e as interpretacións de diferentes xogadas.

O responsable do banco compostelán puido compartir catro horas co resto dos presentes nas que debateron sobre os diferentes asuntos expostos, aínda que o club recibirá un novo informe con máis conclusións tras a reunión que terán os árbitros antes de que arranque o curso.