O Silbato organiza a XXVI Gala Fin de Tempada na Coruña

A Agrupación Deportiva O Silbato organiza mañá, venres 19 de setembro, ás 21.30 horas a XXVI Gala Fin de Tempada 2013-2014 no Restaurante Miradoiro de San Pedro, na Coruña. En devandito evento a entidade deportiva formada por árbitros de fútbol da Coruña premia aos árbitros herculinos que conseguiron o ascenso de categoría, entre os que destacan o ascenso de Rubén Eiríz Mata o fútbol profesional da 2ª División “A”, así como aos que se proclamaron campións nas diferentes actividades organizadas pola Agrupación Deportiva O Silbato ao longo da pasada campaña. O evento tamén suporá o broche de ouro a un ano de celebracións con motivo do 25º Aniversario da entidade máis representativa e antiga de Galicia formada por árbitros de fútbol (1989-2014).

No mesmo evento entréganse os premios do XVIII Memorial Manuel García Rodríguez que entrega Eliseo Figueiras, ‘Pintor’, aos mellores colexiados das categorías desde Preferente a Terceira Autonómica da pasada tempada 2013-2014. Os premiados nesta ocasión son: Alexandre López Vila (Preferente Autonómica), Eugenia Gil Soriano (Primeira Autonómica), Alejandro Vilariño Hidalgo (Segunda Autonómica) e Alejandro Lema Arranz (Terceira Autonómica)­.

A XXVI Gala Fin de Tempada 2013-2014 reunirá a preto de cento cincuenta colexiados no acto que pon o broche de ouro á pasada campaña. O evento contará coa presenza de personalidades relevantes da vida política e arbitral coruñesas, pois asistirá a Vicepresidenta 1ª da Deputación Provincial da Coruña, Mariel Padín Fernández; o Concelleiro de Deportes, Francisco Mourelo Barreiro; o Conselleiro Técnico de Deportes do Concello da Coruña, Miguel García Feijoo; o presidente do Comité Galego de Árbitros, José Antonio Pérez Muiño; e o delegado de Árbitros da Coruña, Roberto Pablo Jallas Amigo.