O Santiago Futsal estréase ante o Magna Navarra en Pamplona

Mañá ás 20.30h o Santiago Futsal xogará o seu primeiro partido de Liga da tempada 14-15 na pista da Magna Navarra, onde tentará conseguir a primeira vitoria da tempada.

O persoal do Santiago, que conta con 8 novos xogadores, dos que 7 deles debutarán mañá na máxima categoría, tentará conseguir na pista da Magna Navarra a primeira vitoria en Liga dos últimos 5 anos.

Para este partido, Santi Valladares non poderá contar con Lucho, que segue co proceso de recuperación; Hugo, que sofre unha talalgia; nin Marci, que aínda se incorporou esta semana aos adestramentos.

SALA DE PRENSA

Santi Valladares, técnico do Santiago Futsal, compareceu esta mañá en sala de prensa previa ao partido de mañá.

En canto ao rival o técnico afirmou que “ten xogadores moi importantes e un equipo moi intenso e aguerrido, pero nós tamén”. Lembrou, á súa vez, que “os partidos alí son moi igualados, de competir de verdade, de levar o resultado moi igualado e ao final dar a estocada, e se podemos ser nós, mellor”. Santi tamén destacou que o importante é “competir, independentemente do xogo, temos que dar o mellor de nós”

Resaltou, á súa vez, que a pista do Pavillón de Anaitasuna é “unha pista das máis bonitas para xogar. Sempre se enche e o apoio do público dálles aos xogadores unha motivación extra”.