O Auditorio de Cedeira ofrece un concerto do grupo local Asoaxe
Bossanova, tango, bolero, canción de autor, portuguesa, sudamericana, pop, galega… serán algúns dos estilos do repertorio que este sábado, 27 de setembro, ofrecerá ao público cedeirés o grupo local Asoaxe. A súa actuación terá lugar no Auditorio municipal a partires das 20 horas, con entradas ao prezo único de 2,5 euros. A formación está integrada por Dopazo –guitarra melódica-, Tamara –voz– e Michi –voz e guitarra rítmica-. Comezou a súa andaina no 2005 e toma o seu nome dun termo mariñeiro para designar a parte baixa da onda do mar.