O atletismo en pista comeza a prepararse en Pontevedra

A partir do mes de decembro comezarán a tempada atlética de pista cuberta e os atletas da Sociedade Ximnástica enfundáronse de novo as súas zapatillas para comezar a pretemporada. Tras un aproveitado descanso estival, no que o atletismo quedou un pouco de lado pero non a actividade deportiva, os atletas pontevedreses concentráronse no CGTD de Pontevedra cos seus adestradores para retomar a actividade.

Varias foron as caras novas, procedentes das Escolas, que comezan os seus adestramentos. A canteira pontevedresa está a dar os seus froitos e algúns deles pola súa idade, cambian de categoría e empezan a adestrar cos grupos dos séniores. Por diante quedan dous meses para empezar a preparar o corpo de cara á competición en pista cuberta, aínda que coa vista posta no próximo verán.

Lembrar que o próximo outubro reiníciase un novo curso das Escolas Municipais de Atletismo, cuxo prazo de inscrición abriuse esta semana no Pavillón Municipal de Deportes; polo que será a partir do próximo mes cando todas as engrenaxes do motor do atletismo en Pontevedra, póñanse outra tempada máis a pleno rendemento.