Nolo Suárez presenta en Brión a mostra “Fragmentos de tempos”

A sala municipal de exposicións de Brión acollerá entre o 19 de setembro e o 8 de outubro a mostra de pintura “Fragmentos de tempos”, unha selección de cadros do artista compostelán Nolo Suárez. A exposición será inaugurada este venres 19 de setembro, ás 20:00 horas, polo alcalde de Brión, Xosé Luís García. Nolo Suárez é un pintor compostelán que leva mais de 20 anos traballando en arte e facendo exposicións en distintos espazos expositivos, como salas, museos e galerías de arte. Así mesmo, ten participado tamén en certames internacionais como GóisOrosoArte 2014, cuxa obra “Para superar dificultades” se expón actualmente no centro cultural de Sigüeiro (Oroso).