Neda inicia a mellora de pistas e camiños, desbroces e conducción de augas por valor de 100.000 euros

O Concello de Neda está a mellorar o estado de vías, pistas e camiños de titularidade municipal grazas ao apoio decidido da Deputación provincial da Coruña. Así se establece no convenio de colaboración suscrito recentemente entre o alcalde da real vila, Ignacio Cabezón Lorenzo, e o presidente da institución provincial, Diego Calvo. Ponte Grande, Carballal, San Isidro, Anca, Pedrós, Cobeluda ou Rabadeña son os lugares onde se desenvolven as actuacións. Na súa elección, o goberno municipal valorou o estado de deterioro das vías ou beirarrúas, a densidade do tráfico que soportan ou o nùmero de vivendas ás que dan servizo.

Os traballos están orzamentados nuns 100.000 euros, que cofinancian Deputación (con 79.997,42 euros) e Concello (19.999,34 euros). Segundo o caso, estáse a proceder á mellora do firme coa aplicación de regos asfálticos, con dobres ou triples tratamentos superficiais ou extendido e compactado de gravas ou detritos; rebacheos con mezcla bituminosa; desbroces de maleza en cunetas con roza mecánica por medio de tractor e brazo articulado, de ambos bordes, nunha anchura aproximada dun metro, co apoio de persoal de a pé e ferramentas manuais en aqueles casos nos que as dimensións do vial ou a natureza das especies a rozar así o aconsellen.

Ademáis, e na zona de Rabadeña, executaránse sendas captacións para erradicar a presenza de cursos de auga que irrumpen transversalmente no viario, en zonas de pendente moderada, con arrastre de áridos, o que implica un perigo engadido ás deficiencias detectadas. Así, as citadas conduccións realizaránse ben á cuneta ben á rede municipal de abastecemento. No seu conxunto, os traballos contan cun prazo de execución de tres meses, co que terán concluído no último trimestre do ano.