Monte Porreiro será escenario do Campionato Internacional de Tenis de Mesa o 13 e14 de setembro

Presentación do evento deportivo

O Campionato Internacional de Tenis de Mesa de Monte Porreiro (Pontevedra) foi presentado hoxe na Deputación de Pontevedra no  curso dun acto no que participaron a deputada Ana Isabel Vázquez, o alcalde de Pontevedra, Fernández Lores, o concelleiro Agustín Fernández, e o presidente do club, Lucho Álvarez.

O campionato terá lugar os vindeiros 13 e 14 de setembro no pavillón da cidade infantil  Príncipe Felipe coa participación de preto de 300 palistas.

Ana I. Vázquez destacou a consolidación do certame, logo de 16 anos de celebración e de éxitos. Lucho Álvarez subliñou a participación de xogadores galegos e nacionais e o alto nivel do club que preside, do que foron seleccionados dous xogadores. Fernández destacou a Pontevedra como a cidade máis importante de Galicia en canto á ratio deportista/habitante. E Lores situou ao club local como un referente en Galicia, tanto de base como de elite, en tenis de mesa e lembrou que Pontevedra ven acollendo prestixiosos certames desta modalidade deportiva.