Lousame organiza un curso teórico-práctico de iniciación á fotografía

O Concello de Lousame organiza un Curso Teórico-Práctico de Iniciación á Fotografía, que terá unha duración de dez horas e será impartido polo Colectivo Olláparo (Boiro). As clases terán lugar durante o mes de outubro na Casa da Cultura de Lousame, que acollerá catro sesións: todos os sábados de 11:00 a 13:30 horas.

Máis información e inscricións na Oficina Municipal de Información e Xuventude do Concello de Lousame, no teléfono 981 820 494. Ademais dos fundamentos teóricos da fotografía, contémplanse distintas saídas para poñer en práctica as técnicas aprendidas.