Forumáxico ofrecerá tres espectáculos de maxia durante o mes de setembro

O Concello da Coruña, a través da Concellaría de Cultura que dirixe Ana Fernández, informa da celebración dunha nova edición do evento FORUMÁXICO que ofrecerá, ao longo do mes de setembro, un total de tres espectáculos de maxia dirixidos a público familiar, nos que nenos e non tan nenos poderán gozar de comedia, drama, teatro… pero sempre coa maxia como protagonista.

FORUMÁXICO arrinca o sábado 13 de setembro co Mago Xacobe e a súa Xira 20 Aniversario, un espectáculo moi participativo no que todos (tanto o mago como o público) convértense en protagonistas.

Continúa o sábado 20 de setembro con Cayetano Lledó e o seu espectáculo Peregrino máxico que narra as asombrosas peripecias que ocorren ao longo do camiño de Santiago onde maxia e comedia, da man do teatro, levarannos a parcelas totalmente descoñecidas da historia da maxia.

O ciclo termina o sábado 27 de setembro con Fusión, un espectáculo do xoven meigo Daniel Polo no que se unirán desde os clásicos máis perigosos da maxia até o máis novo e disparatado.

O ciclo FORUMÁXICO inclúese dentro da programación de Cultura non Camiño e celebrarase os sábados 13, 30 e 27 de setembro no Fórum Metropolitano ás 19.00 horas. O prezo da entrada será de 5 euros para cada espectáculo, aínda que existe a opción de adquirir o abono 3 familiar por 12 euros.

As entradas están á venda no despacho de billetes da praza de Ourense, de luns a venres de 9.30 a 13.00 horas e de 16.30 a 19.30 horas, así como no despacho de billetes do Fórum o mesmo día da función desde unha hora antes. Tamén se poden comprar a través de televenta no número 902 504 500 ou na web www.servinova.com.