Festiclown Palestina celebrarase en Cisjordania para apoiar ás vítimas de Gaza

O festival internacional Festiclown, creado en Galicia hai 15 anos e dirixido polo clown Iván Prado, celebrará a segunda edición do Festiclown Palestina entre o 1 e o 9 de outubro.

Levará así risas a hospitais, colexios, teatros, rúas e prazas de cidades como Jerusalén, Ramala ou Nablus, para paliar os graves efectos aos que a vai sometida a poboación palestina como consecuencia do conflito en Gaza.

Así, a segunda edición deste Festiclown -organizado por Pallasos en Rebeldía- chegará, a través da arte, á sociedade civil palestina, fundamentalmente a mulleres, novos e nenos.

Tamén ten a tarefa, segundo destaca a organización, de difundir entre a poboación palestina as gargalladas e a esperanza a través do clown e o circo “como instrumentos para a transformación, para visibilizar o drama humanitario dos refuxiados e para concienciar a comunidade internacional”.

PROGRAMA

Ademais do actor e clown Pepe Viyuela e do propio Iván Prado, tamén participarán artistas recoñecidos no ámbito circense como o escocés Johny Melville, os brasileiros da compañía Traço e os españois Kanbahiota, Pablo Muñoz e Daviz Cebrián, a italiana Laura Mandarina e o arxentino Marcelo González.

O músico madrileño Mr. Kilombo tamén se desprazase a Palestina co festival para darlle un toque musical á programación, que se completará coas actuacións de compañías locais.

ORIXES

O Festiclown Palestina ten a súa orixe nunha caravana de Pallasos en Rebeldía de 2009 a Cisjordania, que dous anos máis tarde, en 2011, fixo nacer a primeira edición deste festival, despois do paso do seu director Iván Prado polo cárcere de Ben Gurión e a súa posterior expulsión do país.

Con esta segunda edición, que nun primeiro momento se ía celebrar nos campos de refuxiados de Palestina no Líbano, búscase mostrar o “incansable apoio” de Pallasos en Rebeldía ao pobo palestino, posto que a inestable situación política en Líbano fixo que non se puidese celebrar alí hai uns meses o festival.

QUINCE ANOS DE FESTICLOWN

O festival internacional Festiclown celebra en 2014 os seus 15 aniversario e, para festexar a efeméride, repite por segundo ano consecutivo a súa fórmula multisede ao ter lugar en tres continentes ao longo desteano.

Visitou xa Brasil, Rivas-Vaciamadrid e San Fernando de Henares e acomezos de outubro estará en Lugo e Palestina, de forma case simultánea na maioría dos días.