Ferrol será o vindeiro mécores cidade de paso do pelótón da Volta

A Concellería de Deportes que dirixe Susana Martínez Galdós informa do percorrido que terá A Volta Ciclista a España ao seu paso por Ferrol na xornada do vindeiro mércores, día 10 de setembro. A hora prevista de chegada a Ferrol é entre as 14:10 e as 14:17 horas; e a duración prevista do percorrido é de entre 10 e 14 minutos. Os puntos polos que pasarán os ciclistas son: Estrada de Catabois, Estrada de Santa Mariña, San Xoán, Estrada de Castela, rúa Carballo Calero, Avenida de Vigo, Avenida de Esteiro, Telleiras, Avenida do Mar e As Pías.

A Policía Municipal ten listo un dispositivo de seguridade e tráfico que se aplicará por tramos e que estará operativo até as 14:30 ou 14:35 horas. Ademais, articulouse un itinerario alternativo para a saída do persoal de Navantia: Avenida Mac Mahón – Taxonera – Circunvalación – Praza de Galicia – rúa Igrexa – Costa de Mella – Estrada do Porto – AP 9.