Entrega de diplomas dos cursos de natación deste verán en Frades

Entrega de diplomas

O alcalde de Frades, Roberto Rey, entregoulles os diplomas dos cursos de natación aos participantes nos cursos de natación que se impartiron durante este verán nas instalacións da piscina municipal de Papucín. Durante case mes e medio, con tres clases por semana, os participantes aprenderon a manexarse na auga e perfeccionaron as súas destrezas na natación. Ofrecéronse clases específicas para nenos e nenas maiores de catro anos e para persoas adultas, adaptándose así a todo o alumnado.