Deteñen a un veciño de Bueu por roubos con violencia e intimidación a transeúntes

A Garda Civil detivo a S.E.M., de 19 anos de idade e veciño de Bueu como suposto autor de tres delitos de roubos con violencia e intimidación a transeúntes nas rúas da citada localidade.

O modus operandi consistía en sorprender ás vítimas, sempre de avanzada idade, por detrás, ás que tras intimidalas cunhas tesoiras ou obxecto punzante e forcexear con elas, valéndose da súa superioridade física, arrebatáballes o bolso para subtraerlle o diñeiro e efectos de valor que leva no seu interior.

Estes feitos sucedéronse desde mediados do pasado mes de agosto e cuxo esclarecemento tivo lugar no día de onte, froito das investigacións que os compoñentes do Equipo de Policía Xudicial da Garda Civil de Cangas en colaboración co Posto de Marín e a Policía Local de Bueu, viñan realizando.

Recuperáronse os efectos subtraídos.

O detido, que conta con antecedentes policiais, foi conducido ás dependencias oficiais da Garda Civil ao obxecto da instrución das correspondentes dilixencias que serán entregadas no Xulgado de Instrución número DOUS de Marín.