Deteñen a dous xóvenes relacionados co vídeo de contido sexual gravado en Monforte

Axentes do Corpo Nacional de Policía detiveron aos dous homes relacionados co vídeo de contido sexual gravado nun parque da localidade de Monforte de Lemos (Lugo) que foi difundido posteriormente en Internet.

Segundo confirmaron fontes próximas á investigación, na tarde do mércores foron detidos o mozo que supostamente gravou as imaxes e o presunto autor da agresión sexual denunciada pola muller que sale nelas.

Os dous detidos foron trasladados aos calabozos da Policía Nacional en Monforte de Lemos para prestar declaración en relación cos feitos denunciados pola muller gravada nas imaxes.

A Policía Nacional xa tomou declaración a diversas testemuñas en relación á agresión denunciada por unha muller nun parque do municipio lucense de Monforte de Lemos, tras ser identificados o autor da gravación de contido sexual difundida por Internet na que aparece a vítima e o individuo presunto autor dos abusos.

A muller denunciou ante a Policía Nacional ser vítima dunha agresión sexual, polo que prosegue a investigación policial para esclarecer o sucedido.