Continúa aberto o prazo do concurso fotográfico Calendario Municipal 2015

O Concello da Coruña mantén aberto até o próximo 12 de outubro o prazo para participar no concurso fotográfico Calendario Municipal 2015, que, por segundo ano consecutivo, seleccionará 12 imaxes da Coruña que formarán parte de devandita publicación.

O prazo para presentar fotografías para esta segunda edición do concurso abriuse o pasado 11 de agosto e, durante o primeiro mes, presentáronse máis dunha trintena de participantes. O calendario constará de 24 fotografías: 12 en branco e negro sobre o pasado da cidade, e outras 12 imaxes en cor da cidade actualmente. No concurso decidiranse estas 12 últimas e, si así o determina o xurado, a da primeira páxina.

As persoas interesadas en participar poden enviar até un máximo de 3 fotografías en cor realizadas no termo municipal da Coruña á dirección de correo electrónico concursofotografico@coruna.es indicando Concurso calendario municipal 2015. Nesta segunda edición, as fotografías terán que mostrar as seguintes temáticas: paseo marítimo, murallas do xardín de San Carlos, cemiterio de San Amaro, fonte de Catro Camiños, festas de María Pita, Picasso na Coruña, parques e xardíns, barrios, O Parrote, eventos deportivos e culturais e a Torre de Hércules. Os participantes téñense que comprometer a ceder os dereitos de imaxe e deben contar coa autorización das persoas que saian nas fotografías e que poidan ser reconocibles.

Ademais da súa publicación no calendario municipal, os 12 ou 13 gañadores recibirán os libros Fotografa de alta calidade. As técnicas e métodos definitivos, de José María Mellado, e oAtlas Ilustrado da fotografía dixital creativa con Photoshop,así como 10 exemplares do calendario. O xurado estará formado polo alcalde ou persoa en quen delegue, tres membros do colectivo de Fotoxornalistas Coruñeses e dous concelleiros ou persoas nas que deleguen. O resultado darase a coñecer antes do próximo 17 de outubro.