Comeza a liga para o filial do Santiago Futsal

O 2º equipo do Santiago Futsal comeza a liga este sábado e recibe aos Pazos de Borbén o sábado ás 17h no Pavillón de Santa Isabel.

O Santiago Futsal B encara esta segunda tempada consecutiva na 3ª División Nacional co mesmo obxectivo da tempada 13/14, na que conseguiron uns bos resultados terminando a liga nos postos altos da clasificación. A tempada 14/15 comeza coa mesma filosofía e ambición, tomando como referencia ao primeiro equipo, o Santiago Futsal, o espello dos equipos da base.

O filial do Santiago Futsal mantén a columna vertebral da tempada pasada aínda que con novas incorporacións, incluído o cambio de adestrador, Jorge Basanta. O técnico do conxunto branco destaca do seu rival desta xornada “a importancia de que manteña o bloque de xogadores da tempada pasada e o perigo que nos podes supor en xogadas de transición”. Basanta vaticina un encontro moi igualado que se decidirá en ocasións puntuais e levarallo o equipo que menos erros cometa ao longo dos 40 minutos”.