Chama á porta o Medio Maratón de Pontevedra

O próximo 19 de outubro, ao once da mañá, darase o pistoletazo de saída ao dez e nove edición do Medio Maratón de Pontevedra, carreira encadrada no Circuíto de Carreiras Populares de Pontevedra (CCCP) que patrocina e organiza o Concello de Pontevedra, a través do seu Instituto Municipal de Deportes e na que a Sociedade Ximnástica de Pontevedra está a traballar intensamente para que sexa todo un éxito.

De momento un obxectivo é superar os 1.381 atletas que correron o ano pasado por Pontevedra, para iso modificouse o percorrido para que a carreira poida absorber máis atletas. A saída pasa á Avda. de Buenos Aires, preto da ponte dos Tirantes e no canto de dirixirse cara a Monteporreiro, como até agora, farano en sentido contrario.

O tramo que discorre pola zona monumental e urbana de Pontevedra, farase tamén en sentido contrario do que levaba facendo e elimínase a zona que discorría polo Campus Universitario, substituíndoa pola zona de orillamar, coa Avda. Uruguai e Corbaceiras.

A carreira está aberta para calquera persoa maior de idade e adestrada para correr os 21.097 metros do percorrido en menos de 2 horas e 25 minutos; que será cando se peche o control de meta.

Hai escasos días comezou o proceso de inscrición, a través da plataforma web www.championchipnorte.com e aos 269 atletas inscritos no CCCP xa se sumaron algo máis dun centenar de atletas. Aínda é pronto para facer unha estimación pero seguramente os últimos dous días de setembro será cando se anote a maioría dos participantes.