Cenor xunto ao Rio Natura Monbus Obradoiro

Cenor, membro do Club de Empresas Obradoiro e un dos principais patrocinadores do Rio Natura Monbus, estreou un vídeo promocional da marca que quere compartir con todos os afeccionados do Rio Natura Monbus Obradoiro.

E é que a peza ten moito que ver coa filosofía do equipo santiagués, recalcando que “o que nace na nosa terra, queda na nosa terra” e mostrando a unión que a marca de electrodomésticos ten a todo o deporte de elite galego porque “xuntos defendemos o noso”. No vídeo aparecen imaxes do equipo de diversas campañas.

A empresa, que tamén está representada no Consello de Administración, leva co Rio Natura Monbus Obradoiro desde a súa primeira tempada de volta na liga Endesa, e son xa famosos os seus concursos nos tempos mortos e descansos de partidos, cun cotizado televisor como premio.