Boiro abre prazo para presentar solicitudes para a Aula de Educación Secundaria para Adultos

 A Concellería de Ensino do Concello de Boiro informa que do 8 ao 19 de setembro (ámbolos dous inclusive) estará aberto o prazo de presentación de solicitudes na Aula de Educación Secundaria de Adultos para o curso 2014-15.

Existe un regulamento de funcionamento, donde se establecen prazos de matricula, así como os criterios de admisión de alumnos, documentación, resolución, formalización oficial da matrícula, cota de inscrición,…

O Concello de Boiro vén prestando este servizo educativo dende hai máis de dezaoito anos. É moi demandado por todos aqueles que queren obter o título de educación  secundaria, esto permítelle mellorar  a cualificación profesional ou acceder a outros niveis do sistema educativo.

O horario nos que se imparten as clases será de 20.30 h a 22.30 h, o cal é moi compatible  coa xornada laboral, unha das grandes ventaxas ofertada pola aula de Boiro. Outros concellos limítrofes, pola contra, ofrecen este servizo en horario de tarde o que fai que a demanda de prazas na aula de Boiro se incremente porque axuda a favorecer a conciliación da vida laboral e familiar.

 A aula de educación de adultos  do Concello de Boiro está adscrita  ao IES San Clemente de Santiago de Compostela centro autorizado para impartir  estas ensinanzas e da que depende  a aula do Concello de Boiro, desprazándose  os profesores/as  nas avaliacións  a Boiro.