Arrinca a pretemporada para o filial do Santiago Futsal

Comeza o curso para o 2º equipo do Santiago Futsal. O coordinador da base Mon Barreiro deu a benvida a xogadores e ao técnico do equipo, Jorge Basanta, no acto desta mañá.

O conxunto filial, que xogará por segundo ano consecutivo na 3ª División Nacional, manterá a columna vertebral de xogadores da tempada pasada, aínda que con novas incorporacións de xogadores do equipo xuvenil e xogadores novos que estarán a proba as primeiras semanas.

Co mesmo obxectivo da tempada 13-14, na que se conseguiron uns bos resultados terminando a liga nos postos altos da clasificación, esta tempada comeza coa mesma filosofía e ambición, tomando como referencia ao primeiro equipo, o Santiago Futsal, o espello para os equipos da base.

A falta de confirmación do calendario de liga, o equipo disputará diversos amigables de cara ao comeza da competición nacional.

Ao longo desta semana comezarán os adestramentos de todos os grupos de Tecnificación; Santiago Futsal B, xuvenil nacional, xuvenil autonómico, cadete autonómico e infantil autonómico.