Apertura do prazo de inscrición para os obradoiros lúdicos e educativos do programa Xogoteca

A concelleira de Igualdade e Xuventude do Concello de Ferrol, Verónica Casal Míguez, presentou esta mañá o programa de conciliación “Xogoteca”, dirixido a menores entre 3 e 12 anos e empadroados no Concello de Ferrol. O prazo de inscrición para participar neste programa de conciliación familiar e laboral estará aberto dende o vindeiro luns, día 29, e as solicitudes deberán presentarse no Rexistro Xeral da Casa Consistorial. A edil ferrolá sinalou que este programa se plantexa ”como un lugar complementario á escola e á familia, onde estas poden deixar aos seus menores mentres realizan as súas actividades laborais e persoais diarias”.

Casal Míguez explicou que o programa “Xogoteca” comezará o vindeiro día 9 de outubro “ao día seguinte de que remate o programa Concilia polo que os pais e nais interesados deberán matricularse novamente”. As actividades, de carácter lúdico e educativo, terán lugar de luns a venres, en horario de 16:30 a 19:30 horas no edificio municipal do antigo Hospicio, cuxa rehabilitación completou o Goberno Municipal neste mandato. A edil ferrolá sinalou que “tan pronto como este terminado do edificio infantil cuberto da praza de España serán realizadas todas estas actividades alí”. O programa “Xogoteca” conta con tres grupos, con actividade simultánea, que atenden as franxas de idade de 3 a 6 anos, de 7 a 9 anos, e de 10 a 12 anos, e cada un deles disporá de 15 horas semanais.

Actividades ofertadas

Segundo a gran variedade de obradoiros, a relación de talleres e a franxa de idade para a que están dirixidos é a seguinte:

Menores de 3 a 6 anos:

– Predeporte

– Xogando con fieltro

– Chiquitirritmo

– Gyncana Musical

– Merenda con conto

– Plástica

– Reciclando

– Babyenglish

– Psicomotricidade

– Merenda con cine

– Ciencia divertida

– Pequecheff

Menores de 7 a 9 anos:

-Apoio escolar

-Inglés

-Zumba

-Multideporte

-Creatividade e pintura

-Cociña

-Costura

-Reciclando

-Ciencia divertida

-Cine

Menores de 10 a 12 anos:

– Apoio escolar

– Inglés

– Zumba

– Multideporte

– Manualidades creativas

– Cociña

– Costura

– Reciclando

– Ciencia divertida

– Cine