Apertura do prazo de inscrición para a VIII Carreira Popular Coruña10

O Concello da Coruña, a través da Concellaría de Deportes que dirixe Francisco Mourelo, informa de que xa está aberto o prazo de inscrición para participar na VIII Carreira Popular Coruña10 que se celebrará o 5 de outubro.

Como é habitual, serán dez quilómetros para gozar das rúas da Coruña, onde todos, desde o máis rápido ao máis lento, poderán sumarse a un fenómeno como o running, que cada día gaña máis e máis adeptos. Para formalizar a inscrición pódese facer desde a Web www.coruna.es/carreraspopulares, ou desde a plataforma aloxada en www.carreirasgalegas.com. Tamén se pode realizar inscrición presencial nos centros do Corte Inglés de Ramón e Cajal e Marineda City.

A cota de inscrición mantense e o seu importe repite os 5 euros para os posuidores de chip amarelo, mentres que o non propietarios deberán abonar 2 euros máis en concepto de aluguer. Como nas edicións anteriores, todos os participantes que desexen correr nas categorías de menores deben formalizar a inscrición do mesmo xeito, pero no seu caso de forma gratuíta.

Unha das novidades é que este ano se asociou a carreira ao proxecto COPPADIS (Cohorte de Pacientes con Enfermidade de Parkinson en España), que persegue investigar e dar a coñecer unha enfermidade con crecemento na poboación española, avanzando na investigación para o seu tratamento (máis información en http://coppadis.com/). A organización destinará 0,5 euros de cada inscrición a esta causa. Así mesmo, todos os participantes poderán achegar, se o desexan, unha cantidade suplementaria para completar o seu apoio. De igual modo, existirá unha fila cero para quen queira colaborar sen necesidade de correr.

Como noutras ocasións, a Concellaría de Deportes solicitou as opinións dos participantes tras a edición de 2013, co fin de extraer aqueles aspectos de mellora máis solicitados. Un deles era a petición de ter a camiseta conmemorativa en galego. Nesta edición será posible, a condición de que realicen a súa inscrición antes do 15 de setembro, escollendo a opción exposta para iso na plataforma de inscrición.

Outro aspecto de mellora refírese á sinalización dos puntos quilométricos. Debido á gran afluencia de participantes, algúns corredores consideraron necesario incrementar os tótems para gañar unha maior visibilidade. Para esta edición está a exporse outro tipo de dispositivo.

Carreira da Muller

Antes desta cita deportiva, A Coruña acollerá, o próximo 21 de setembro, a Carreira da Muller, para a que se prevé unha gran participación. Nestes momentos xa se superou o número de inscritas do pasado ano, que foron 3.000, e todo apunta a que se van a alcanzar as 5.000, límite deste ano.