Agustín Hernández di que “quen a fai, a paga” e pide á xustiza que sexa rápida

O alcalde de Santiago, Agustín Hernández, asegurou que “quen a fai, a paga” en relación aos supostos ‘enchufes’ da Operación Pokémon, e pediu que a xustiza sexa rápida.

   Así, en declaracións aos medios durante un acto celebrado este sábado, o rexedor lembrou que hai miles de concelleiros e alcaldes “honestos” que se dedican á política por vocación aínda que pode haber prácticas inaceptables e ilícitas”.

   En canto a estas prácticas, asegurou que é “necesario” que a xustiza as identifique, e gustaríalle que estas noticias non levasen un “cuestionamiento” cara aos políticos con carácter xeral.

   Preguntado pola petición do primeiro alcalde de Santiago desta lexislatura, Conde Roia, ao vicepresidente da Xunta, Alfonso Rueda, para mediar na contratación dun policía autonómico, chamou á prudencia e ao “máximo respecto á presunción de inocencia”.