Enviar a un amigo
Opinar
ImprimirÁbrese a inscrición para as Escolas de Atletismo de Pontevedra
O luns comeza o período para anotarse nas Escolas Municipais de Atletismo que organiza a Sociedade Ximnástica de Pontevedra e patrocina o Instituto Municipal de Deportes.
Haberá que achegarse ao Pavillón Municipal de Deportes, tanto pola mañá como pola tarde, para que os mozos pontevedreses, con idades comprendidas entre os 5 e 15 anos, poidan inscribirse.
As Escolas de Atletismos vertébranse en tres grupos principais, Educación Física de Base, caracterizada pola iniciación deportiva, para os 5 a 9 anos; a Formación no Atletismo, dos 10 aos
15-16 anos e a Escola de Marcha Atlética de 10 a 15 anos.
De Outubro a maio impartiranse os adestramentos, por parte de monitores titulados da Sociedade Ximnástica, os luns, mércores e venres de 6 a 7 da tarde no Pavillón Municipal de Deportes. A partir dos 10 anos acudirán ás pistas de atletismo do CGTD de Pontevedra. Os de 14, 15 e 16 anos cambian o horario de 7 a 8 da tarde no CGTD. A Escola de Marcha impartirase os luns e mércores de 6 a 7 no Pavillón Municipal.
Hai un total de 160 prazas ofertadas, que se cubriron o curso pasado e que se esperán de novo completar.
Durante os 8 meses de duración ademais da formación deportiva no atletismo, os futuros atletas terán numerosas competicións nas que poderán ir pondo en práctica o apreso.
