A UAD de Monforte comeza o Programa de Prevención de Drogodependencias na Escola

Como en anos anteriores, o equipo de prevención da Unidade Asistencial de Drogodependencias, adscrita á concellería de Sanidade que dirixe Antonino Luaces, pon en marcha o Programa de Prevención na Escola para o curso 2014-2015.

Este Programa está dirixido ós centros de ensino de Monforte e comarca,e desenvólvese coa colaboración dos colexios e institutos.

Os contidos temáticos impártense ó longo do curso escolar, desde o mes de novembro ata o mes de xuño, tendo en conta que a ferramenta máis eficaz para evitar ou atrasar o consumo de drogas é a prevención.

O contido do Programa desenvólvese en diversos bloques temáticos, nos que se traballan básicamente materias relacionadas coa educación para a saúde. Entreoutras actividades abordarase a prevención a nivel escolar, en tódolos centros escolares de Monforte e comarca, cos seguintes programas:

. Fumatas, para alumnos/as de Primaria
. Dúbidas? Pregunta e infórmate, para o alumnado de ESO.
. Actividades sobre SIDA.
. Educación afectivo – sexual.
. Cine – saúde.
. Boletín familiar: “Prevención = Saúde”
. Reunións de pais e nais.