A Real Banda de Gaitas da Deputación de Ourense actuará no día de Galicia en Asturias

A Real Banda de Gaitas da Deputación de Ourense desdoblarase esta fin de semana para actuar en Oviedo e en Santo Estevo de Ribas de Sil. O sábado, día 13, baixo a dirección de Xosé Lois Foxo, dará a salida da 20ª etapa da Volta Ciclista a España en Luintra, coa interpretación da Pandeirada da Ribeira Sacra, peza musical que Foxo compuxo fai dúas décadas. A outra formación da Real Banda, baixo a dirección de Marco Foxo, desprazarase a Oviedo onde dará un concerto con motivo do día de Galicia en Asturias.

Por outra parte, a Escola Provincial de Gaitas informa que durante o presente mes de setembro está aberta a matrícula nas áreas de gaita, percusión, canto-pandeireta e zanfona.