A campaña ‘Eu loito polo que quero’ do Santiago Futsal chega ao teu coche

O Santiago Futsal regala magnéticos para o coche co lema ‘Eu loito polo que quero’ para que a febre do fútbol sala chegue a todos os recunchos de Santiago.

Se queredes que os vosos coches luzan co escudo do Santiago Futsal, podedes pasarvos pola oficina e recoller o magnético de maneira totalmente gratuíta en horario de 10 a 14h.

Entre todos podemos lograr que a campaña de abonados sexa un éxito.

Ademais, xa están á venda as entradas para o próximo partido de Liga, este venres día 3 fronte a Marfil Santa Coloma. Os prezos manteranse aos do anterior partido no Multiusos: 10€ adulto, 5€ xuvenil (13 a 17 anos) e 2€ infantil (4 a 13 anos).