Xornadas de captación para as categorías base do Rio Natura Monbus

O Rio Natura Monbus realizará os próximos días 4 e 5 de setembro, unhas xornadas de captación de xogadores para todos aqueles interesados en formar parte das categorías de base do noso club. Estas xornadas celebraranse no pavillón santiaguésLorenzo De La Torre.

As probas realizaranse en horario de 17 a 20 horas (segundo categorías) e poderán acudir todos os mozos e mozas que desexen gozar deste deporte. Para iso rógase aos asistentes ou titores que traian aos seus nenos, acudir uniformados con pantalón curto, zapatillas de deporte e camiseta de educación física.

Horarios:

Infantís (nacidos no 2001 e 2002): xoves, 4 de setembro ás 18.00 horas

Minibasket (nacidos no 2003 e 2004): venres, 5 de setembro ás 17.00 horas

Premini (nacidos no 2006 e 2005): venres, 5 de setembro ás 17.00 horas

Cadetes (nacidos no 1999 e 2000): venres, 5 de setembro ás 18.30 horas

Juniors (nacidos no 1997 e 1998): venres, 5 de setembro ás 20.00 horas