Robertas Geralavicius finaliza terceiro na dobre milla de Cambados

O atletismo galego ten unha cita obrigada cada agosto en Cambados, coa celebración da vixésima edición da dobre milla de Cambados, que un ano máis volveu contar coa presenza de atletas da Sociedade Ximnástica de Pontevedra.

Na distancia de 3.218 metros Robertas Geralavicius foi o mellor clasificado do equipo pontevedrés na carreira masculina cun brillante posto de podio ao quedar en terceira posición.

Agosto desde hai poucos anos empeza a ser un mes infestado de carreiras populares, nos últimos días os atletas pontevedreses destacaron ademais de en Cambados, na carreira do Monte Trega na Guarda, as Olimpíadas Populares de Lourido, ou a carreira sobre a praia América, a Nigrán Área. Nestoutras carreiras participaron os atletas da Escola Pedro Santos e Carolina Santos, subindo ao podio en cada unha delas.

Catro atletas da Ximnástica bolseiros polo CGTD para o próximo curso

Por outra banda, dentro do Programa de Tecnificación e Rendemento Deportivo da Xunta de Galicia, xa se coñecen os deportistas admitidos para o CGTD de Pontevedra, do próximo curso 2014/2015. En devandita relación aparecen 4 atletas da Sociedade Ximnástica.

Trátanse de Darío Costas, que seguirá cursando os seus estudos de Bacharel no Centro; Elvira Okutu que entra no Centro e tamén cursará no mesmo os seus estudos de Bacharel; Víctor Galego que ocupará a praza de externo, do mesmo xeito que Iván Maceiras.

Estas bolsas de tecnificación teñen por finalidade facilitar o adestramento aos deportistas, creando a situación propicia para que poidan compaxinalo coa súa educación e/ou traballo e así poder axudar no seu desenvolvemento persoal.