Peregrinos con fibrose quística de toda España chegan a Santiago polo Camiño Inglés

O xoves, 28 de agosto, sobre ás 11:00 horas, un grupo de 25 persoas afectadas por fibrose quística, transplantados bi-pulmonares, familiares e amigos procedentes de distintas localidades españolas, chegan ata a praza do Obradoiro, despois de percorrer durante 6 días 122 quilómetros do Camiño Inglés.

A iniciativa partiu da Federación Española de Fibrose Quística, entidade que leva organizando con esta a cuarta edición da peregrinación a Santiago, e que se desenvolve cada dous anos, coa finalidade de fomentar a práctica do deporte como piar importante da fibrose quística, ademais de supoñer un punto de encontro para compartir experiencias e concienciar da importancia da doazón de órganos.

A asociación Galega de Fibrose Quística estará na praza do Obradoiro para darlles a benvida ás persoas que o pasado 22 de agosto partiron dende Ferrol.