Parada na Idade Media centrada na figura do cabaleiro SueiroIáñez

Este mércores 13 de agosto terá lugar unha visita do Instituto de Estudos Miñoranos ao legado medieval na parroquia de Parada e centrada na figura de SueiroIáñez. O punto de encontro será ás 17:30 horas na Aula de Cultura Ponte de Rosas (Avda. da Feira Nº10, baixo – Gondomar), e contará coa guía do arquitecto Antonio Soliño e o historiador Carlos Méixome. A participación é gratuíta e non require inscrición previa.

A xeira percorrerá o Monte Castelo, con especial atención ao espazo que ocupaba o castelo de Santa Helena. Seguirá pola igrexa de Santiago de Parada, cuxa arquitectura remóntase ao románico final datada en 1182. Posteriormente visitarase a Casa de Parada, lugar onde atopábase a residencia de SueiroIáñez , nomeado Cabaleiro por Pedro I. Finalizarase no Cruceiro de Parada, o máis antigo dos datados no Val Miñor (século XVI).

O percorrido terá como fío principal a figura de SueiroIáñez de Parada. Personaxe crucial durante os conflitivos anos da guerra entre Pedro I “O Cruel” e Henrique II Trastámara (1366-1369), enfrontamento armado que en Galicia se prolongou durante dúas decisivas décadas (1366-1387). Señor do castelo de Parada, das fortalezas de Romai, da vila da Guarda, da Vilavella de Redondela, de Entenza, de Bouzas, Coruxo, Bembrive e outras xurisdicións e polo tanto un dos máis poderosos cabaleiros destas terras de Turonio.