O Equipo Olímpico Español de Vela xa adestra ao completo no CEAR de Santander

O Equipo Olímpico Español de Vela xa adestra na súa totalidade na base operativa do mesmo situada no CEAR (Centro Especial de Alto Rendemento) de Santander.

O Director de Preparación Olímpica da Real Federación Española de Vela, o mallorquín Toni Ripoll, deseñou un cadro de adestramentos baixo a denominación de “Trainnings Santander 2014”, que contempla a actividade deportiva e velística dos membros do Equipo Español de face á súa preparación ao mundial de setembro.

Desta maneira, a totalidade do Equipo Olímpico Español de Vela, xunto aos seus respectivos adestradores de clase e equipo multidisciplinar, están a desenvolver durante estas semanas diversas actividades, que comprenden desde “briefings” ou reunións técnicas, trimado ou preparación dos aparellos dos barcos e veas, e desenvolvemento da navegación na auga.

Santander 2014 ISAF Sailing World Championships é unha das citas velísticas máis importantes do mundo. O ter en xogo a metade das prazas asignadas para os Xogos Olímpicos de Río de Janeiro, converten a Santander na cidade das ilusións.

Esas mesmas ilusións comparten todos e cada un dos membros do Equipo Olímpico, estando entre os seus obxectivos situarse entre os 10 primeiros de cada clase, para garantir a clasificación do país nos Xogos de Río.