Mañá finaliza o prazo para inscribirse no concurso da ameixa cociñada en Carril

Mañá, xoves 14 de agosto ás 13 horas conclúe o prazo para inscribirse no XIX Concurso da Ameixa Cociñada que serve de preludio á Festa da Ameixa de Carril. Os interesados deben anotarse nas dependencias da Confraría de Carril ou da Agrupación de Parquistas. O concurso dota con 1.000 euros ao prato gañador, e con 500 e 250 euros ao segundo e terceiro clasificados, respectivamente. A organización facilita a ameixa aos concursantes que só poderán ser 50 como máximo.

O concurso celebrarase o venres 15 de agosto. O día antes, os concursantes deberán pasar o día anterior pola lonxa para recoller o medio quilo de ameixas que se lles entregará de xeito gratuíto para a preparación dos seus pratos. Estes deberán entregarse na carpa na festa o día 15 antes das 12 do mediodía. O xurado valorará a presentación, sabor e a creatividade das receitas. Os premios entregaranse no acto principal da Festa da Ameixa que terá lugar o domingo 17 de agosto.