Malalo Bermúdez de Castro e Javier da Gándara toman a dianteira na Martín Códax Rías Baixas

O “Solventis” de Malalo Bermúdez de Castro e o “Rías Baixas” de Javier da Gándara comezaron con forza a Martín Códax Rías Baixas e cólganse o ouro provisional da cita reina do Real Club Náutico de Vigo tras facerse co triunfo da primeira etapa, que uniu os portos de Vigo e Sanxenxo. Sorpresas nas divisións Coca Cola ORC 3 e Aceites Abril ORC 4 e é que “La Burla Negra” de Juan José Martínez e o “Balea Dous” de Luís Pérez colócanse líderes respectivamente. En Open, o “Portu” non defrauda e a tripulación de Antonio Tena e Pello Basurco levan o triunfo da etapa.
 
A primeira etapa da Martín Códax Rías Baixas comezou con algo de atraso. O vento non se establecía no campo de regatas e finalmente, ás 14:40 horas as flotas Códax ORC 1 e Rías Baixas ORC escoitaban o bocinazo de saída con ventos do Noroeste duns dez nós. A partir de aí, as saídas das divisións Coca Cola ORC 3, Aceites Abril ORC 4 e Open fóronse encadeando e ás 15:00 horas toda a flota atopábase en competición
 
A Costa da Vela e os seus pozos de vento prometían converterse en todo un quebradizo de cabeza, pero nesta edición da Martín Códax Rías Baixas a saída da ría de Vigo deu un respiro aos máis de 600 regatistas que se deron cita e os ventos de máis de 15 nós de intensidade permitiron superar este tramo rapidamente.
 
A partir de aí, os barcos de maior eslora puxeron rumbo ao faro Camouco para volver ao Real Club Náutico de Sanxenxo antes de enfilar a chegada e completar así as 22 millas de percorrido mentres que o resto da flota fixo un percorrido máis curto, dunhas 16 millas, polas rías de Vigo e Pontevedra.