Máis de 500 padexeiros participarán na Copa de España de maratón que se disputará no río Lérez

Máis de cincocentos padexeiros participarán na Copa de España de maratón que se disputará o fin de semana no río Lérez, en Pontevedra. Estarán representados 97 clubs nunha proba para as categorías de cadetes, xuvenís, sénior e veteranos. Tamén será valedoiro para o Campionato Galego da especialidade.

O sábado, desde as 9.30 horas, disputaranse as primeiras probas. Esta xornada terminará a última hora da tarde. O domingo, a competición estará destinada aos barcos dobres.

Na regata coinciden varios aspectos deportivos moi importantes. En xogo estarán as últimas prazas para acudir ao Mundial de Maratón en Estados Unidos. Ademais, ao mesmo tempo disputarase o Campionato Galego.

Óscar Graña e Ramón Ferro, campións do Mundo, lideran unha ampla representación de deportistas procedentes de toda España. A participación galega é moi elevada e con moitas opcións de conseguir estar no podio en varias categorías.