Gadis convida a persoas con discapacidade de Betanzos ao adestramento da Selección Española de Baloncesto

Presentación da campaña. Foto: S. Pardo

Supermercados Gadis convidou aos usuarios do Centro Pai Menni de Betanzos, dedicado á atención de persoas con discapacidade intelectual, ao adestramento, no Coliseum da Coruña, da Selección Española, previo ao partido de preparación para o Mundial contra Canadá, segundo informa.

Supermercados Gadis é colaborador oficial da Copa do Mundo de Baloncesto 2014, tras o convenio subscrito coa Federación Española de Baloncesto (FEB), “que ten como un dos seus obxectivos promover o deporte basee”, explica o grupo de distribución alimentaria.

Con esta iniciativa, a compañía asegura que quixo ofrecer aos usuarios de Pai Menni “a oportunidade de compartir uns momentos cos xogadores do equipo nacional e de fotografiarse con eles no adestramento”.

O convenio de colaboración asinado por Gadisa coa FEB enmárcase no Programa de Responsabilidade Social Corporativa que leva a cabo a empresa e que se materializa en máis de 1.500 accións anuais de índole deportiva, social, cultural e de carácter solidario e ambiental.